كشف مصطفى يونس، نجم الأهلي السابق، عن تفاصيل خلافه مع محمود الخطيب، رئيس القلعة الحمراء.
وقال مصطفى يونس، في فيديو عبر منصة «يوتيوب»: «كانت الأمور طبيعية بيني وبين محمود الخطيب، لكن بعد انتخابات الأهلي قبل الماضية، فوجئت بمكالمة من مرتجي وخالد الدرندلي، حيث قالوا لي (الكابتن الخطيب، معانا وإن شاء الله هتشتغل معانا في القناة إنت والكابتن مصطفى عبده، وهتاخدوا أعلى أجر انتوا الاتنين)، فأجبتهم (ده بيتنا ونشتغل ببلاش)»
وأضاف: «بعدها تحدثت مع مصطفى عبده، وكان غاضبًا جدًا بسبب البرنامج، وقال لي (بعدين هفهمك)، ثم تواصلت مع خالد مرتجي، الذي أخبرني (بادجت البرنامج 20 ألف جنيه)»
وتابع: «الكلام كان إن مصطفى عبده، هياخد 20 ألف جنيه وأسامة حسني بياخد 250 ألف في الشهر! أنا ومصطفى عبده، ناخذ 20 ألف في الشهر بينما الكابتن الخطيب، بيدي قريبه 250 ألف!»
وأتم: «أعتقد أن كل ده كان المقصود بيه أنا، عشان أبعد لأني بقول أه ولأ، مصطفى عبده، اشتغل بعدها، وبدأت الخلافات مع الخطيب»