كشف أحمد ناجي، مدرب حراس مرمى الأهلي ومنتخب مصر السابق، عن انقطاع العلاقة بين محمد أبوتريكة، نجم الأهلي والكرة المصرية السابق، والبرتغالي مانويل جوزيه، المدير الفني الأسبق للقلعة الحمراء.
وقال أحمد ناجي، خلال حواره في بودكاست مع إبراهيم المنيسي: «معرفش إيه سبب الفصلة دي بين أبوتريكة وجوزيه، ميبكلموش بعض دلوقتي، وجوزيه هيتجنن عشان أبوتريكة مش بيكلمه»
وأضاف: «أبوتريكة، ليه دماغ وعنده حسابات، علاقة أبوتريكة وجوزيه محدش كان يقدر يدخل بينهم»
وأشار: «كنا مرة في تنزانيا في معسكر كنت ترمي الإبرة تسمع صوتها، كنا بنتكلم في بعض الأمور الدينية، قولت لجوزيه (شوف المعسكر عامل إزاي، المعسكر مفيهوش كلام ولا شقاوة من اللاعبين، إنت عايز تفهمني إنت ماسك المعسكر بالشكل ده؟ عايز الدنيا دي البحار والمحيطات مفيهاش حد مساكها؟»
وتابع: «جوزيه بعدها طلب القرآن بالبرتغالي وجبتهوله، وبدأ كلامه معظمه إن شاء الله ويقول للعيبة ربنا مديكم موهبة لازم تحافظوا عليها»