فقدان الشغف: هل هو اختبار من الحياة؟ تعرف على أسبابه وكيفية التغلب عليه مع نصائح من واعظة بالأزهر

وجهت إلهام شبانة، واعظة بالأزهر الشريف، رسالة مهمة للشباب وكل من يشعر بفقدان الشغف والإحباط بسبب ضغوط الحياة، حيث أكدت أن الإنسان قد يمر بفترات يشعر فيها بالفراغ الداخلي، ويفقد حماسه تجاه كل ما كان يحبه من قبل، ويبدأ في تجنب التعامل مع الآخرين أو حتى الخروج من المنزل.

وقالت إلهام شبانة، خلال حلقة برنامج «إشراقة»، المذاع على قناة الناس: «العلماء بيسموا الحالة دي فقدان الشغف، وده ممكن ييجي من تجارب فاشلة أو إحباطات أو عدم تقدير لما حققناه، لكن الخطير إن الإحباط والملل واليأس بيقعوا أحسن الناس، ولو استسلمنا ليهم هيدمرونا، ومحدش هيقدر يخرجنا من الحالة دي غير نفسنا»

وأضافت أن أول وأهم خطوة لاستعادة الشغف هي العودة إلى الله سبحانه وتعالى بصدق وثقة، قائلة: «ربنا هو اللي زرع فينا الشغف وهو القادر يرجعه تاني، صلي وادعي واشتكي لربنا ضعفك وقلة حيلتك، وقوله يا رب رجعلي طاقتي وشغفي تاني، لأن النجاح مش بشطارتنا، ده بتوفيق ربنا»

وأكدت واعظة الأزهر أن اللجوء إلى الله لا يعني التواكل أو الكسل، بل لا بد من الاجتهاد والسعي، قائلة: «ماينفعش أفضل قاعد مستني الشغف يرجع، لازم أتحرك وأعافر وأجتهد، مفيش حلم هيتحقق من غير مجهود وتعب، والدنيا دي مش سهلة، ولازم نكتهد علشان نوصل لأحلامنا»