هاجم الإعلامي أحمد شوبير، لاعب الزمالك أحمد فتوح، بعد الأزمة الأخيرة التي واجهها، خاصة بعد حضوره لحفل الفنان راغب علامة في الساحل الشمالي.
قرر نادي الزمالك فرض غرامة مالية قدرها مليون جنيه على أحمد فتوح، عقب ظهوره في حفل راغب علامة، رغم أنه استأذن من مدير الكرة بالنادي عبدالناصر محمد لمغادرة المعسكر بسبب مرض عمه.
قال شوبير عبر إذاعة «أون سبورت إف إم»: «في مثل بلدي (اللي اتنفخ من الشوربة ينفخ في الزبادي)، لا أحمد فتوح مش اتلسع من الشوربة ده بيشرب الشوربة كلها وهي مولعة، عشان تحرق لسانه وتعمله مشاكل كبيرة»
وأضاف: «اللي عمله نادي الزمالك في أزمة فتوح الصيف الماضي يحسب لنادي الزمالك، إنه يرجع والنادي يجهزه ويكون له دور في الفريق»
وأكمل: «هنفضل طول الوقت واحنا شغالين بهذه الطريقة لا مش هينفع يا عم أحمد، أنت لاعب مهم وضروري وأساسي مش قليل، فتوح إنت عايز إيه؟ لازم تقول لنفسك، عايز تلعب كورة تبقى لاعب كورة وتحترم الزمالك وإدارة الزمالك، عايز تسهر وكدة الدنيا حلوة بالنسبالك مفتوحة»