أطلق مجدي عبدالغني، نجم الأهلي السابق، انتقادات حادة تجاه أحمد فتوح، ظهير أيسر فريق الزمالك، بعد أن غادر المعسكر بدعوى مرض عمه، ليشارك في حفل المطرب راغب علامة بالساحل الشمالي.
وكان جون إدوارد، المدير الرياضي لنادي الزمالك، قد قرر، بعد التشاور مع عبدالناصر محمد مدير الكرة، فرض غرامة قدرها مليون جنيه على أحمد فتوح، بالإضافة إلى إيقاف مستحقاته وتحويله للتحقيق بسبب ظهوره في مناسبة عامة دون إذن.
وصرح مجدي عبدالغني، خلال حديثه التلفزيوني عبر فضائية «الشمس»: «المفروض أحمد فتوح، ميشوفش طريق الساحل الشمالي، مش يروح حفلة ويقول رايح أزور عمي! هو ده اسمه كلام! ونادي الزمالك يطلع بيان ينفي!»
وأضاف: «مفيش حاجة بقت بتستخبى في عالم السوشيال ميديا، أحمد فتوح، لما شاف حد بيصوره خبى وشه الناحية التانية عشان خايف حد يشوفه لأنه عارف أنه عامل حاجة غلط»
وتابع: «ياراجل إنت رايح وسط ملايين البشر، أكيد الناس هتشوفك، إنت داماغك دي مودياك فين، في ناس دماغها متسوحة، فتوح، عنده إمكانيات كبيرة، وممكن يكون من أغنى اللعيبة في مصر، ولا هو اكتفى بالفلوس اللي خدها خلاص؟ ده إنت طيرت عربيتين في حوادث بحوالي 50 مليون جنيه، والناس تعبانة»
وأتم: «أنا بحبك والله، أنت لعيب مستواك عالي جدًا، بس لازم تحافظ على نفسك وعلى ناديك»